Guardanno all'orizzonte

Guardanno all'orizzonte (G. Sodo – P. Caruso) - a Gaetano, grande velista

E 'ncopp 'o mare vene
e mmiez 'o mare va
i' ll'aggio visto allero
e comme può sbarià

Guardanno all'orizzonte
pensanno addò se va
areto 'a luna sponta
e 'mpare a cammená

Me sta purtanno
'stu viento che c'è
nè chi ce cummanna
si currimmo fino a sera

Cu 'o viento mpoppa
chesta varca addò va
guagliù saglie che
stai currenno 'ncopp 'o mare

'A salsedine tutta ncuollo
ma nun s'a vo levà
cu 'e piere mise ammuollo
siente che libertà

Guardanno all'orizzonte
pensanno addò se va
sempe cu 'o sole 'nfronte
senza mai se ferma'

Vatte a piglià
chella refola a 'int 'o cielo
cammenanno 'e bolina
strigne forte 'e vele

'O remmore 'ell'acqua
'nfaccia all'opera morta
te pare 'a musica 'e quanno Cristo è risorto

Guardanno all'orizzonte.

La grande libertà di correre sul mare col vento in poppa o di bolina, con la salsedine addosso, di andare a cercare il vento, col rumore dell'acqua sull' opera morta la parte emersa dello scafo.